高普食红自认抵死 哥帅被掟银：下次掟准啲

xcy232323

       

        利物浦对曼城嘅「红蓝大战」气氛炽热，双方领队都表现得非常肉紧，利物浦领队高普完场前追骂旁证被罚红牌，佢赛後承认自己「抵死」，但就继续批评球证表现；曼城领队哥迪奥拿就投诉被利物浦球迷掟银仔，赛後更寸嘴表示：「下次掟准啲！」
        两大劲旅今场有唔少埋身场面，尾段球证无视穆罕默德沙拿被侵犯，高普即嬲到追至旁证狂闹，结果换嚟红牌一张，高普赛後话：「呢要红牌我抵攞，但系件事根本唔应该发生，沙拿被侵犯系我见过最明显嘅犯规，当时我喺旁证个角度睇得好清楚，但佢完全冇反应。」
        曼城领队哥迪奥拿下半场早段亦卷入是非，当时球证睇VAR判菲尔科顿入球作废，哥迪奥拿就嬲到对住观众席摊开双手，据闻佢当时语带讽刺咁讲：「呢度就系晏菲路！」有球迷就向佢掟银仔还击，哥迪奥拿赛後表示：「利物浦球迷尝试掟我，但系掟唔中，或者下次佢哋要再掟准啲。」