施洛神回应沙拿「离队暗示」：佢知曼城降班

xcy232323

利物浦今季气势如虹，重夺英超冠军机会高唱入云，不过王牌前锋穆罕默德沙拿近期多次埋怨未获续约，暗示明年好可能离队，上场联赛後再宣称「可能系最後一次(主场)对曼城」。利物浦领队施洛日前被问到呢个话题就有「神回应」，仲烧埋曼城嘅「115官司」！
沙拿同利物浦嘅合约明年夏天完结，下个月开始佢就可以自由同英超以外球会倾合约，上轮主场赢曼城後声称「可能系最後一次」。对於呢番言论，施洛表示：「或者沙拿知道曼城115条控罪官司嘅消息，所以佢预计曼城下季唔会喺英超......我只系讲笑...重申我只系讲笑。」
曼城上年2月被英超赛会控告违反财务规定，涉及控罪达到史无前例嘅115条，一旦罪成好大机会被罚降班。