C朗系「热刺杀手」 20次交锋创造19球

xcy232323

       

        曼联将於周四(20日)凌晨英超主场对热刺，红魔鬼球星C朗堪称「热刺杀手」，佢职业生涯20次同呢支伦敦劲旅交锋，创造19球，包括射入14球及5次助攻，其中上季主场更轰入3球，协助曼联赢热刺3比2，当时热刺领队干地表示系输畀C朗，唔系输畀曼联。
        如果单计英超赛事，C朗13次对热刺，取得9胜4和，射入8球及5次助攻，难怪干地赛前认低威表示，从来冇质疑C朗嘅能力，希望佢唔好再上演「帽子戏法」。
        曼联上仗对纽卡素，C朗踢到72分钟被换走，领队坦哈格今场应该考虑畀佢踢足全场。