世纪横传！高普埋怨VVD败家

xcy232323

       

        利物浦今季成绩低迷，周六(22日)作客0比1不敌诺定咸森林更加跌入谷底。呢场波利物浦虽然残阵出战，但都制造到唔少攻门，可惜最後一脚把握极差，中坚华基尔云迪积克(VVD)近有一次离门5码「世纪横传」，唔单止球迷闹爆，连领队高普都忍唔住出声埋怨。
        上半场37分钟仲系0比0嗰阵，VVD接应队友传中走到靓位，门前5码无人看管下顶头槌，但佢竟然唔直接攻门，反而头槌横传畀远柱嘅罗拔图法明奴，但罗拔图法明奴都估唔到佢会「世纪横传」而反应唔切，白白错失先开纪录机会。
        今场利物浦死球攻势好有威胁，但统统把握唔到，高普赛後嬲爆表示：「我从来未经历过一场波，喺死球有4至5个必入波入唔到，法明奴有1球、云迪积克有2球、3球，球员今场奋力战斗，但我真系完全谂唔明点解死球入唔到波。」