出年天价卖比宁咸 多蒙特签荷甲兵接棒

xcy232323

       

        多蒙特每年都有新星出售，今夏卖走艾宁夏兰特，明夏极有机会沽出天价新星祖迪比宁咸，据称曼联、利物浦等豪门都对佢志在必得，多蒙特亦作好准备，物色比宁咸嘅替代人选，睇中阿积士中场新星古杜斯Kudus。
        22岁嘅古杜斯系加纳国脚，司职中场，喺阿积士经常参与进攻，多蒙特认为佢有好多地方都同比宁咸相似，系最合适嘅代替人选。
        比宁咸同多蒙特合约至2025年，但明夏好大机会被天价挖走，转会费保守估计1亿欧元起跳，多蒙特大赚一笔之後，买个作用类似但价钱平得多嘅球员，既可保存实力，又可准备下一次天价沽售球星机会，相当识玩。
        古杜斯与阿积士合约同样至2025年，消息指多蒙特已开启谈判程序。