沙维欧联战绩惨烈 罗拔仔後悔未？

xcy232323

       

        巴塞隆拿连续第2年喺欧联分组赛出局，教练沙维嘅欧洲赛功力再次令人怀疑。沙维上季接掌帅印後，喺最後2轮欧联分组赛只有1和1负，将球队送落欧霸盃，今季5轮欧联後又得1胜1和3负，再次「降格」踢欧霸盃，数据显示，沙维带队踢过7场欧联，合共系1胜2和4负，唯一一场胜仗就系主场赢弱旅柏辛域陀尼亚。
        巴塞喺欧联沉沦，最冇瘾肯定系罗拔利云度夫斯基，佢今夏由拜仁慕尼黑过档，结果相隔12年「再战」欧霸盃，拜仁总监沙利咸美斯嘅囝囝亦不忘抽水，喺社交网留言：「唔知罗拔利云度夫斯基几时会後悔离开拜仁呢？」