败家纽尼斯再做笑柄 Pizza店都抽水

xcy232323

       

        利物浦今季成绩低迷，季前以破球会转会费纪录加盟嘅达云纽尼斯，被球迷评为超级水货，今场对宾福特佢继续做「大嘥鬼」，唔单止球迷寸爆，就连国际连锁Pizza店多美乐都忍唔住出Post抽水，达云纽尼斯呢匀真系瘀到爆。
        数据显示达云纽尼斯今场有3次射门(1次命中)，预期入球(xG)系0.8，上半场一次射门空门竟然省中宾美弹出，之前又有一次禁区内射门「挞Q」射到禁区外，画面相当肉酸，宾福特主场球迷都唱住：「你(纽尼斯)只系垃圾版嘅安祖卡路尔。」高普赛後表示：「纽尼斯当时冇预期宾美喺白界前，当然佢嘅射门技术可以再好啲。」
        着名连锁Pizza店多美乐嘅英国店，赛後喺twitter发文抽水：「如果我哋今晚错失任何订单，真系好对唔住，因为我哋用咗呢个人(达云纽尼斯)。」呢个抽水Post短短5个钟头就有5万个Like，似乎球迷对达云纽尼斯都好失望。