哈利卡尼系商业天才 公司拥2,200万镑资产

xcy232323

       

        热刺前锋哈利卡尼被视为英超最佳前锋之一，原来佢入波犀利之余，做生意一样好耍家！据英国《太阳报》报道，哈利卡尼旗下2间公司过去1年都赚大钱，目前拥有资产高达2,200万镑，称得上系球坛富豪。
        哈利卡尼开嘅公司HK28，专门为佢处理肖像权同广告合约，截至上年3月嘅财政报告显示，公司嘅总资产已累积至历史新高900万镑，比上年多出250万镑。哈利卡尼目前主要代言合约有 Nike 同Mars等等。另外，哈利卡尼仲同家人合作营运物业公司Edward James Investments，过去1年投资获利430万镑，依家公司嘅资产值高达1,310万镑。
        29岁嘅哈利卡尼喺早前世盃决赛周，荣升英格兰史上「士哥王」，依家喺热刺周薪有20万镑，根据佢目前出色状态，绝对可以喺英超同国家队踢多几年。