麦总避开美斯畅游美国 同忍者龟合照

xcy232323

       

        世盃後提早向巴黎圣日耳门归队嘅基利安麦巴比，上仗法足盃对查多鲁并无上阵，原来佢同好友阿舒拉夫获准休假，两人结伴畅游美国，其中麦总仲同自己合照，所讲嘅系忍者龟！
        麦总喺世盃决赛输波後极速向PSG报到，法甲复赛对斯特拉斯堡，凭佢完场前12码绝杀险胜2比1，不过之後嗰场对朗斯，喺尼马停赛、美斯未归队下，得番麦总一个就顶唔住，最终输1比3。
        主教练加迪亚决定畀麦总同阿舒拉夫放假，巧妙地避开美斯归队後球队为佢举行嘅欢迎仪式，令场面不致太尴尬，至於麦总同阿舒拉夫就结伴去咗美国度假，先入场睇NBA篮网比赛，又喺街头留影。其後麦总到新泽西嘅American Dream，当地老板现身招呼，麦总就同忍者龟合照。