对甲组仔见好就收 阿仙奴小胜格

xcy232323

       

        英足盃第3圈赛事，英甲嘅牛津联越级挑战英超「1哥」阿仙奴，两队嘅排名同实力都有极明显分野，不过阿仙奴心态、人脚上都有唔少隐忧，晋级过程未必会有想像中咁容易。「兵工厂」今场应该有力闯关，但预料入波唔会多，3.5球嘅入球细值得捧场。（无綫myTV Super周二凌晨4时直播）
        阿仙奴今季表现大熟大勇，喺英超带出5分排第1位，今季肯定会集中火力喺争标任务上，季初英联盃第1场已经出局，英足盃亦唔会花太多心机，尤其下场联赛就要作客死敌热刺，今仗作客牛津联大轮换事在必行。最大问题系，阿仙奴後备力量不足，特别锋线喺加比尔捷西斯缺阵下，或要用19岁嘅马昆奴斯同青年军担大旗，火力大受削弱。
        阿仙奴上季又系喺英足盃第3圈出局，作客当时英冠嘅诺定咸森林都输0比1，睇番「兵工厂」近9仗英足盃赛事，总入球全部开3球或以下，踢英足盃嘅威势同喺英超判若两队。
        牛津联实力不足必死守
        主队牛津联喺英甲只排第15位，佢哋自知实力唔及对手，今仗会喺主场摆出铁桶阵死守，大轮换嘅阿仙奴进攻质素有限，相信要花费大堆功夫先可以破门，再追3.5球细盘好路。