3个领队3场白果 林柏特回巢首战食闷棍

xcy232323

       


        近期立立乱嘅车路士，周六(8日)英超有林柏特回巢执教首度领军，结果作客0比1不敌狼队，近3场联赛由3个唔同主帅执教，结果都系入唔到波。林柏特赛後直指车路士嘅问题严重，唔系一朝一夕可以解决，要球迷有定心理准备。
        车路士今场排出4-3-3阵式，不过进攻能力未见有乜改善，虽然控球时间较长，但全场只系录得1次命中目标攻门，更加喺31分钟被马菲奥斯纽尼斯嘅世界波攻陷，最後输0比1完场。车路士近3仗分别由朴达、般奴沙托(看守领队)、林柏特(看守领队)领军，但3仗都系0入波。
        林柏特赛後表示：「球会近期有好多变动，但呢个唔可以作为输波藉口，球队需要改善，依家有种球队唔识入波嘅感觉，一定要扭转佢。车路士依家嘅位置(第11位)唔理想，当中系有佢嘅原因，我唔会预期一时三刻解决所有问题。」