艾历臣认证 贺兰特系出色9号仔

xcy232323

       

        曼联即将签入贺兰特，基斯甸艾历臣对呢位丹麦新晋前锋评价甚高，话佢系出色嘅9号仔，只系外界唔太了解佢。
        基斯甸艾历臣近日接受访问，谈到曼联即将签入嘅贺兰特，佢话：「佢系咩类型？贺兰特系出色嘅9号球员，佢喺国家队一年当中进步好大，系一位有实力嘅球员，不过暂时只有丹麦球圈知道，外界唔了解系因为丹麦足球嘅关注度唔太高。」
        艾历臣仲话：「贺兰特成长速度快，已经喺国家队顺利立足，我的确冇睇太多阿特兰大比赛，但我知道佢嘅风格，亦喺阿特兰大学到好多嘢。」
        讲到两人就嚟喺曼联做队友，艾历臣话：「上次国家队比赛，我有同佢提过，喺曼联嘅好事同唔好事都有讲过一啲，当然，最终都要佢自己嚟感受。」