【有片】球迷阴谋论 纽卡素抽签疑被「黑」

xcy232323

       

        纽卡素过去1年进步神速，不过今季盃赛抽签运认真麻麻，喺欧联落入死亡之组，英联盃第3圈又抽中对曼城，几经辛苦晋级後，16强竟然再抽对衞冕嘅曼联，认真黑仔！不过有纽卡素球迷就爆阴谋论，直指抽签期间有前英超球员出蛊惑！
        英联盃第4圈抽签有电视直播，负责抽签嘅有主持Emma Saunders、些路迪传奇连侬同前新特兰球星古德曼，其中57岁嘅古德曼曾效力纽卡素死敌新特兰3年，纽卡素嘅「16号波」就系由佢抽出，但球迷发现佢喺抽签前，一直望实箱内嘅波，疑似寻找紧「16号」。

        网民表示：「古德曼搵完之後再扮拧转头」、「佢拎到16号波先至拧转面，演技好差」。纽卡素喺第3圈抽中对曼城後，赛会曾证实纽卡素嘅编号出错，不过认为唔影响抽签公正式，所以拒绝重新抽签。