试脚韦斯咸失败 连格转战沙特

xcy232323

       

        回复自由身嘅连格日前离开韦斯咸，转赴沙特试脚，据报道试脚期间韦斯咸包食包住，喺佢身上花费数千镑，最後得个桔。
        30岁嘅连格今夏离开诺定咸森林後冇班落，莫耶斯见佢咁惨好心收留，畀佢喺韦斯咸试脚，期间提供酒店住宿同饍食，亦因为连格今夏超速驾驶兼提供虚假资料，被警方停牌半年，韦斯咸仲提供埋交通工具畀佢。
        据报道，连格喺韦斯咸跟操6星期，韦斯咸曾向佢提供一份短期合约，最终双方未能达成协议，连格事了拂袖去，转赴沙特由谢拉特执教嘅伊蒂法克跟操，寻求落班机会。