尼高高华奇招备战 要球员凌晨3点先瞓觉

xcy232323

[img]
德甲劲旅多蒙特自从尼高高华执教後，成绩大为改善，今届世冠盃亦决心十足，据报尼高高华为令球员适应喺美国比赛嘅环境，特别更改喺德国嘅训练同作息时间，甚至勒令球员要等到凌晨3点先准去瞓觉！
世冠盃喺美国举行，当地时间同德国相差6个钟头，向来着重体能嘅尼高高华就用奇招备战，将原本喺德国朝早嘅操练改去下昼，而且仲更改球员作息规定。尼高高华表示：「我尝试要球员迟啲先上床瞓觉，早早餐同午餐时间都推迟，咁样做可以尽快进入节奏，减少喺美国适应嘅时间。」
尼高高华进一步解释：「一开始我要球员午夜12点瞓，第2日就到1点先瞓，之後就2点瞓，到最後等到3点至瞓，我哋同医疗团队一直监察住。」多蒙特喺上周五(13日)抵达美国，并且进驻国际迈亚密嘅训练基地，球队首仗会对巴甲劲旅富明尼斯。