葛斯入围德国初选名单 望延续世盃童话

xcy232323

       

        据德国《图片报》报道，德国领队费历克已提交一份44人世界盃初步名单，当中有唔少意外人选，最受注目嘅系法兰克福中场马里奥葛斯，呢位30岁球星今季状态大勇，如果喺下月10日嘅决选26人名单有份，将可延续2014年嘅世盃童话。
        费历克嘅44人初选名单中，拜仁慕尼黑有7人上榜成为大户，当中亦有唔少较冷门嘅名字，好似罗宾高治(列斯联)、兰尼基迪拉(柏林联)、罗宾洛治(柏林联)、尤素法莫高高(多蒙特)等，而对上一次为德国上阵已经系2017年嘅马里奥葛斯，再度上榜成为热话。
        马里奥葛斯今季喺法兰克福11场联赛全部正选，攻入2球带领球队杀入前4，德国传奇马图斯表示：「费历克睇到马里奥葛斯状态极佳，我相信佢好大机会出战世界盃，佢再次展示超凡技术，证明自己系属於德国国家队。」德国喺2014年世界盃夺冠，马里奥葛斯喺决赛一箭定江山，但自此之後发展不断下滑，今季重返德甲终再放异彩。