艾历迪亚都唔识 向後传原来可以越位！

xcy232323

       

        热刺喺欧联主场1比1逼和士砵亭，哈利卡尼补时5分钟曾经上演绝杀，但VAR查足4分钟後决定判入球无效，一众热刺职球员都包围球证抗议。其中一个最大疑点系，当时哈利卡尼系接应艾马逊头槌回传，兼且个波系弹中士砵亭球员先落喺哈利卡尼面前，令呢个判决充满争议。
        比赛完结後，热刺守将艾历迪亚被影到走去质问球证：「点解咁判？点解？个波系向後回传架！」不过根据球例，传球方向对越位判决并冇影响，关键在於艾马逊传波嗰一刻，哈利卡尼身处个位置系喺波前面定後面。虽然当时艾马逊明显企前过哈利卡尼，但个波就同哈利卡尼几乎同一水平，VAR拉线嘅画面，亦系以个波同哈利卡尼嘅位置嚟画，结果显示哈利卡尼膝头凸出，因此被判越位。
        至於艾马逊头槌回传期间，个波省中士砵亭球员改变方向，由於士砵亭球员并唔系「蓄意传球」，所以同样唔会影响越位判决。