坦哈格证实 华拉尼世盃前唔会上阵

xcy232323

       

        曼联近期成绩反弹，华拉尼同利辛度马天尼斯组成嘅防线系主要原因，可惜华拉尼早前对车路士受伤，领队坦哈格喺欧霸盃前证实，华拉尼喺世界盃决赛周前都唔能够上阵，将会缺席6场赛事。
        坦哈格喺欧霸盃对舒列夫前表示：「华拉尼唔喺阵中，世界盃前都肯定唔踢得，所以呢段时间曼联比赛都唔使预佢。」被问到华拉尼会唔会踢到世界盃，坦哈格就话：「我哋要等个诊断结果，亦要视乎佢嘅康复进展同复康治疗。」
        曼联喺世界盃前仲有6场比赛，包括周五(28日)凌晨欧霸盃对舒列夫，以及最後一轮作客皇家苏斯达，英超就要韦斯咸、阿士东维拉同富咸，仲有一场英联盃再斗阿士东维拉。