身家100亿镑！法米尼唔排除收购阿仙奴

xcy232323

       

        英超劲旅阿仙奴今季回复霸气，要求踢走班主高安基嘅声音即刻平静唔少，不过已晋身「亿万富豪」行列嘅前球员法米尼，日前受访就表示，唔排除有一日会收购阿仙奴。据《福布斯》统计，法米尼目前身家高达100亿镑(约980亿港元)！
        曾经喺2004年至08年、2013年至16年两度效力阿仙奴嘅法米尼，球员时代已投资一间生物化学公司，研发环保能源，依家仍然持有60%股份兼系公司嘅CEO，《福布斯》估算佢身家高达100亿镑，呢位前法国中场近日接受《The Athletic》访问，就话唔排除会收购阿仙奴。
        被问到会唔会收购阿仙奴或者马赛，现年39岁嘅法米尼表示：「好明显，阿仙奴同马赛喺我心目中有好重要嘅位置，我永远唔会忘记自己喺边度出嚟，人生好多事都话唔埋，只要喺合适嘅时间出现合适嘅机会，事情就自然会发生。」