华Dee脚风转顺抢分逃生 李城尽地一煲大晒冷

xcy232323

       

        深受降班威胁嘅李斯特城，今晚英超作客富咸，睇怕要尽地一煲奋力抢3分，趁住老将占美华迪近期脚风转顺，肯定主动出击，对住已经大踢风流波嘅富咸，好可能系场开放式进攻大战，2.5球大盘值得捧场。■（Now 621周一晚10时直播）
        李斯特城自从炒咗罗渣士，搵嚟甸恩史密夫执教後，球队进攻效率明显提升，事实上「狐狸」前线质素唔系咁差，「华Dee」连续两场有波入，配合占士麦迪臣及泰利文斯，呢个攻击组合威力都唔嘢少。事实上佢哋近4仗联赛场场有波入，单计近3仗更拎到1胜2和成绩，演出明显有好转，一众战将信心慢慢累积，联赛得番4轮，护级可谓分分都咁重要，作客照抢攻富咸。
        富咸风流波娱乐球迷
        富咸今季成功企稳中游位置，升上英超後首个目标已经达到，嚟紧冇嘢好争，球员斗心可能受影响，近3仗联赛就全部输晒。富咸依家虽然踢紧风流波，但主场出击都会尽量娱乐球迷，而且中坚添列姆重伤收咧，防守亦唔见得稳阵，倒不如专注进攻入多啲波，等班球迷开心下好过。睇番佢哋近4仗主场赛事，有3仗总入球达3球或以上，2.5球入球大值博。