迪比利激活解约金 火速过档PSG

xcy232323

       

        正随巴塞隆拿在美国集训嘅奥士文尼迪比利，收到来自巴黎圣日耳门(PSG)邀请，之後巴塞亦收到PSG正式斟介，事件火速进行，迪比利经理人已前往西甲总部激活5,000万欧元(约4.3亿港元)解约金，随时过档。
        今次转会搞到咁急，系因为奥士文尼迪比利同巴塞嘅解约条款，7月31日前解约金系5,000万欧元，巴塞同迪比利各得2,500万欧元，但如果8月1日之後，就会上升到1亿欧元，转会难度加倍，所以7月31日系相当关键嘅一日。
        迪比利同巴塞合约尚余1年，PSG提出收购，希望以5,000万欧元完成交易，迪比利亦已同意转会，巴塞一直想出售迪比利套现，有钱收亦唔会拒绝，所以交易火速进行。
        巴塞将转赴拉斯维加斯，准备对AC米兰嘅热身赛，原定航班都因为呢次转会延迟数小时出发，估计迪比利会即时离队，改机票去法国向PSG报到。