哈利卡尼破夏兰特纪录 拜仁大胜逼近冠军

xcy232323

周六(20日)德甲赛事，拜仁慕尼黑作客4比0大炒海登咸，一吐欧联8强出局乌气，其中英格兰前锋哈利卡尼有波入，令佢打破艾宁夏兰特纪录，成为德甲史上最快攻入60球员，最重要系向首个冠军迈进一大步。
拜仁今场赢得轻松，哈利卡尼13分钟禁区顶抽射死角入网，系佢登陆德甲後第60球，而佢只系用60场赛事就入60球，打破多蒙特前锋艾宁夏兰特(65场入60球)嘅纪录。拜仁之後再有干拉特赖马同京士利高文入波，半场领先3比0，换边後再由甘美治埋斋，轻松大胜4比0完场。
拜仁依家领先踢少1场嘅利华古逊9分，队长甘美治赛後表示：「喺欧联出局令人失望，所以我哋想用表现作为回应。唔可以因为觉得欧联重要，就觉得踢德甲冇乜所谓，我哋每入1球波，都系德甲争冠路途重要一步。」